Organiza o calendario de adestramentos

O calendario do club constrúese a partir da tempada e dos horarios definidos en cada equipo. Os cambios realizados nunha data concreta son excepcións: non modifican automaticamente o resto das sesións recorrentes.

Antes de comezar

Comproba que existe unha tempada activa e que cada equipo ten polo menos un horario. Se queres cambiar todas as semanas, edita o horario do equipo; utiliza o calendario para cambios puntuais, festivos ou sesións adicionais.

O que pasa ao premer un día ou unha sesión depende do espazo de adestramento, dispoñible en todos os clubs salvo que Clybo’ o desactive temporalmente ou para un club concreto. Sen el, todo funciona coma sempre: ao premer unha sesión ábrese a súa xestión. Con el, ao premer un día ou unha sesión ábrese Preparar adestramento, e o horario de cada sesión xestiónase desde o seu botón ⋯.

O vídeo desta guía amosa o calendario sen o espazo de adestramento activado; por iso, ao premer unha sesión ábrese directamente a súa xestión.

Paso a paso

1. Selecciona a tempada e a vista

Abre Calendario, escolle a tempada e cambia entre Mes, Semana e Axenda. No móbil atoparás un calendario mensual compacto e a axenda do día para evitar unha grella demasiado estreita.

2. Localiza unha sesión

Busca a sesión no día correspondente. Revisa o equipo, a data e a hora antes de actuar. A cor do equipo e a lenda axudan a distinguir calendarios con moitas actividades. Sen o espazo de adestramento, preme a sesión para abrir Xestionar adestramento.

Co espazo de adestramento activado:

• Preme a tarxeta dunha sesión para abrir Preparar adestramento dese día coa sesión destacada. Se premes unha sesión movida na súa data orixinal, ábrese a preparación do día de destino.
• Preme o día para preparar todas as súas sesións: en Mes, o número do día ou o espazo baleiro da cela; en Semana, a cabeceira do día; en Axenda, a data. No móbil, utiliza o botón Preparar xunto ao día seleccionado.
• Volve desde a ruta de navegación Calendario para recuperar o mes, a vista e a tempada nos que estabas.

Os pasos da preparación explícanse en Prepara o adestramento do día e utiliza modelos.

3. Xestiona unha excepción

Sen o espazo de adestramento, faino desde o detalle da sesión. Con el activado, preme o botón ⋯ xunto á sesión e escolle Mover a outra data, Cambiar hora ou Cancelar sesión: Xestionar adestramento ábrese directamente nesa acción. Se a sesión xa pasou, está cancelada, é extra ou xa ten un cambio aplicado, o menú só ofrece Ver detalle; desde aí podes consultala e, se procede, desfacer o cambio.

Escribe un motivo claro e decide se corresponde notificar o cambio. Só afecta á ocorrencia seleccionada. As sesións pasadas non se modifican e os peches xestiónanse en Festivos.

4. Cambia quen dá unha sesión

Utiliza Persoal da sesión para unha substitución puntual ou para quitar ou engadir alguén nunha soa sesión. O horario de cada adestradora no equipo non cambia: pasada esa data, todo segue como estaba.

Sen o espazo de adestramento, preme a sesión e, en Xestionar adestramento, preme Persoal da sesión. Con el activado, preme o botón ⋯ da sesión e escolle Persoal da sesión. Está dispoñible en sesións programadas e extra, tamén nas pasadas.

A ventá mostra quen dá a sesión segundo o seu horario, coa súa parte se non a cobre enteira. Desde cada fila podes:

• Substituír: escolle outra persoa do club. Por defecto cobre o mesmo que a persoa á que substitúe; tamén podes escoller Toda a sesión ou Unha parte e indicar Desde e Ata dentro do horario da sesión. A persoa substituída queda riscada con Substituída por e o nome.
• Quitar desta sesión: cando ninguén a substitúe. Volver engadir desfai o cambio.
• Engadir alguén: suma outra persoa só para esta sesión, enteira ou unha parte.

Se escolles alguén que non está no equipo, verás Non está no equipo: poderá abrir só esta sesión, ata 7 días despois. Esa persoa ve a sesión na súa app de persoal, pasa lista e escribe notas da sesión, pero non ve o resto do equipo, as súas fichas nin as súas mensaxes. O acceso remata soo, ou antes se desfás o cambio ou cancelas a sesión.

Preme Gardar. Nas sesións futuras, as persoas que entran ou saen reciben un aviso na app de persoal e podes marcar Avisar ás familias cunha mensaxe. Nas sesións pasadas non se envía ningún aviso: serve para corrixir quen a deu e para que as súas horas previstas cadren no rexistro horario. As sesións con cambios mostran unha icona de persoal no calendario.

5. Engade unha sesión adicional

Abre Engadir → Engadir sesión cando o adestramento non forme parte do horario habitual. Selecciona o equipo, a data, a hora e o motivo. En Quen a dá? verás quen a cobre sempre por ter todo o horario e poderás marcar outras persoas do club. A sesión extra aparecerá xunto co resto das actividades do club.

Para retirar unha sesión extra, abre o seu detalle e preme Quitar esta sesión. Se xa tiña un plan de adestramento, aparece primeiro o aviso Plans de adestramento afectados. Cando ese día queda unha única sesión do mesmo grupo sen plan, ofrécese a opción Movelo á sesión das, coa hora desa sesión, marcada por defecto. Preme Quitar sesión extra para confirmar ou Volver para non facer nada. Se non o moves, o plan queda como Sen sesión na preparación dese día. Nunca se elimina. Se a sesión extra tiña cambios de persoal, o aviso indica tamén cantos deixarán de aplicarse, por exemplo «1 cambio de persoal dunha sesión concreta deixará de aplicarse». Se non tiña plan, aparece só esa liña, co título Cambios de persoal afectados. Non impide quitala.

O mesmo aviso aparece cando gardas en Equipos un cambio do horario habitual que deixa plans sen a súa sesión. Indica cantos plans quedan afectados e confírmase con Gardar horario. Tamén avisa, sen impedir o cambio, dos cambios de persoal de sesións concretas que deixarán de aplicarse porque a súa sesión desaparece do horario.

6. Configura os peches e festivos

En Máis accións, abre Festivos para acceder a Festivos e peches. Engade as datas nas que o club non terá actividade e revisa como afectan ás sesións previstas de todos os equipos.

Se algo non sae ben

• O calendario está baleiro: revisa a tempada seleccionada e os horarios do equipo.
• Necesitas cambiar todas as semanas: edita o equipo; unha excepción do calendario só modifica unha data.
• Unha persoa non pode editar: o persoal sen permisos administrativos pode ter só unha vista de consulta.
• O cambio non aparece: actualiza a vista e confirma que segues na tempada e no mes correctos.
• Ao premer unha sesión ábrese a preparación: o teu club ten activado o espazo de adestramento. Para mover, cambiar a hora ou cancelar, utiliza o botón ⋯ da sesión.
• O menú ⋯ só ofrece Ver detalle: a sesión xa pasou, está cancelada, é extra ou xa ten un cambio aplicado. Persoal da sesión segue dispoñible salvo nas sesións canceladas ou movidas.
• Aparece Ninguén cobre esta sesión: quitaches todas as persoas. Podes gardar igualmente ou engadir alguén.
• Aparece Sen efecto: unha parte asignada xa non cae dentro da sesión, por exemplo tras cambiarlle a hora. Ao gardar descártase; engade de novo a persoa se debe seguir.

Seguinte paso

Para definir horarios recorrentes, consulta Xestiona o cadro, os horarios e as persoas adestradoras dun equipo. Para planificar os bloques de cada sesión, segue Prepara o adestramento do día e utiliza modelos. As competicións e convocatorias explícanse en Crea un evento e xestiona convocatorias.