Resposta rápida
Na app de staff, entra en Perfil → Axuda → Problemas coa app · Soporte Clybo’, escolle o que falla e cóntanos que pasou. O que teña que ver cos teus equipos, horarios ou permisos resólveo a administración do teu club.
O Soporte Clybo’ é o canal para avisar ao equipo de Clybo’ cando a app de staff non funciona como debería: non podes entrar, unha pantalla non carga, non che chegan os avisos ou non podes fichar. Non substitúe a administración do teu club, que é quen xestiona os teus equipos, horarios, permisos e os datos do club.
Antes de comezar
Quen pode usalo: calquera persoa do staff con acceso á app, na app instalada (Android ou iOS), na app engadida á pantalla de inicio ou no navegador. Non depende do rol nin do país.
Requisitos: conexión a internet. Non fai falta aceptar a analítica: o soporte non se carga ata que abres a pantalla e non rexistra a túa actividade.
Paso a paso
1. Abre o Soporte Clybo’
Entra en Perfil e, no apartado Axuda, toca Problemas coa app · Soporte Clybo’.
2. Comproba se é cousa do club
A primeira vez verás o que atende cada quen. Se se trata de equipos, horarios, permisos ou datos do club, fala directamente coa administración do teu club: o equipo de Clybo’ non ve nin pode cambiar eses datos.
3. Escolle o que falla
En É un problema coa app, escolle a opción que mellor o describe:
- Non podo entrar
- A app non carga
- Non me chegan os avisos
- Non podo fichar
- Outro fallo da app
4. Cóntanos que pasou
Escribe que tentabas facer, que pasou e desde cando, e toca Enviar consulta. Ao final da mensaxe engádese unha liña coa versión da app, o tipo de dispositivo e o idioma, para que non teñamos que preguntarcho. Non inclúe datos persoais.
5. Segue a conversa
A consulta ábrese na mesma pantalla. As respostas do equipo aparecen coa etiqueta Clybo’ e podes contestar desde aí. As túas consultas quedan en As túas consultas; para un asunto distinto, toca Nova consulta.
Que podes esperar
Respondemos en menos de 6 horas, os 365 días do ano. Coa pantalla aberta, as respostas aparecen soas; se a pechas, avisarémoste por correo.
As consultas quedan asociadas ao correo co que entras na app, así que as verás en calquera dispositivo. Ao pechar sesión, a app esquece a conversa dese dispositivo.
Cando unha consulta se marca como Resolta, xa non admite respostas. Se o problema volve, abre unha nova.
Se algo non sae ben
- Aparece «O soporte non está dispoñible agora mesmo»: a rede ou un
bloqueador impiden cargar o soporte. Toca Escribir un correo ou escríbenos
a
soporte@clybo.app. - «Enviaches varias mensaxes seguidas»: agarda un momento e volve enviala; o texto que escribiches non se borra.
- Sen conexión: o botón de enviar desactívase ata que volvas ter rede.
Non inclúas datos de saúde nin datos de menores (nomes, fotos ou lesións): non os necesitamos para resolver un fallo técnico.
Seguinte paso
Para comprobar se hai unha incidencia xeral, consulta o estado dos servizos.